Khel Bachpan Ke

Bahut pyaara tha bachpan,

Na koi dabaav na tanaav

Thoda sa padaai, thoda sa school ka kaam

Phir tha khelna apne dostoon ke sang

Kitna haseen the woh pal

Bachpan ke woh suhane pal

Har din khelte the hum koi khel

Par Cricket tha apna favorite

Khelte the maidaan main, yah chat pe

Eenth ya patthar ke the stumps

Out karne ke the kai dhang

One drop out, chat se bahar gaya to bhi out

Ladkiyaan jo hoti thi sang

Cricket na khel pate hum

Lukka Chuppi khelte the hum

Deewar, Khamba, yah jhadiyaan

Sab the chupne ke dhang

Sau thak ginne mein mahir the hum

Langdi tang bhi khelte the kabhi hum

Boundary banaya, aur bus khel shuru

Pakdna tha, ek tang pe kudte hue

Kudte, kudte thak jaate the hum

Phir bhi na tha koi gum

Kyonki dostoon ke saath the hum

Ek ball ko leke khelte the hum kai khel

Kabhi pheka usse pathhar par

To kabhi apne dostoon par

Kabhi banate the 2 goal

Aur khelne lagte the hum football

Tajob hota tha, ek ball ke the kitne upyog

Gilli Danda ke baare mein pouccho math

Ghantoon khel sakte the isko

Haath pair kitne baar hua ghayal

Khel ke football

Ladaai Jagde hota the bahut

Jab khelte the hum police chor

Jab kuch bhi na tha karne ko

To khelte the hum kho kho

Ya phir dum ke phoolne tak

Kabadi, Kabadi bolte the hum

Jab in sab se jhi bhar jata

To khelte the pakada pakadi hum

Bade hue to khoya en haseen paloon ko

Samay ke saath, khoya kai dostoon ko

Dabaav aur tanaav ab hain jeevan mein

Khel to ab, dekte hain bas ek screen par

Woh bachpan ke beeta hue pal hi to hain,

khushi se yaad karke jhoomne ko